Cerkak - Pas Apes

N

embe wingi ana acara Djarum Foundation, yaiku pertandingan bulutangkis ing gedung olahraga Kridanggo. Ingkang diselenggaraake 3 dina, mulai tanggal 26-28. Nek ora salah dina jumat, sabtu, minggu, nek salah ya mbuh dina apa aku lali. Tapi bener ding, nembe aku ndelok kalender. Awal acara aku nonton, jareku kurang rame. Wong sing main pemula, bocah cilik menthik. Ah cipil nemen, soale aku yo bisa lawan karo bocah bocah mau. Tapi menarik sitik sih, bocah cilik unyu unyu pimen ngonong. Ngerti ora rame aku bali, mbarigen esih dina pertama.

Dina keloro aku ora nonton, ana janji karo kanca sd. Ketemu bocah sd lucu tenan yo. Wis pada gedhe, kelakuane ya mending waras. Sing ora waras mung uteke. Wektu kui aku lunga menyang zatobay, yaiku tempat renang. Wis sue aku ora renang, klalen rasane kungkum ing banyu. Pingine cepet cepet nyemplung. Aku wonge ora sabaran nek mlebu tempat renang. Nganti kancaku ngomong “aja kaya wong kurang plesirlah, sante bae sih ngapa” “........”

Renang kui nggawe ngelih, kumpul yo kurang rame nek ora mangan. Nek nrawang dompet, asline limit nemen sing arane duit. Duit sak lembar warna biru ora ana kancane. Dewekan ning dompet. Sakwise dolan kita bali ngomah masing masing. Aku kelingan ndue duit meneh selain warna biru mau.

Nah dina iki sing tak enteni. Dina iki yaiku puncake acara, final maksudku. Aku ndukung bocah kading klub SM (Sinar Mutiara), sebab jaman nanu aku mlebu klub kui. Ana 4 lapangan, aku ora mungkin nonton kabeh lapangan kui dalam 1 waktu. Cukup fokus karo 1 lapangan sing kira kirane bakal rame. Perebutan juara 3 sing ditonton remaja putri, SM versus PB (Pemandu Bakat) lan diakhiri karo kemenangan SM. Permainan iki aku menikmati tenan, durung ana beban pikiran. Nganti akhire teka permainan terakhir alias final remaja putra. Sak durunge dimulai, adeku pingin tumbas kebutuhan weteng. Aku mundut duit pirang ewu lan lungguh ing tempat semula (kebeneran aku lungguh ing kursi). Nah ning kene apese, pas mundut duit ing dompet lan ndeken dompet ing sak celana meneh aku ora sadar nek ndeken dompette ora sepenuhe mlebu, dadine rada katon. Lah kui nek aku gerak sitik dompet langsung tiba lan bakal dadi rejekine wong liya.

A

ku ora nuduh uwong kang lungguh ning mburiku, tapi aku yakin nek kui sing njukut dompetku (kie tah arane nuduh!), aku yakin sabab ana loro alesan. Sepisan, aku mlebu GOR ora pernah lunga. Keloro, wong kang lungguh mburiku maune bocah lanang lanang berubah dadi segrombolan mbak-mbak. Swarane seru lan cempreng nemen, aku yo gembar-gembor tapi yo ora secempreng mbak-mbak kui. Sumpah uwonge ora berkeprikupingan, nganti gendang kupingku enggal bocor, bocor alus.

Sakwise nglirik mbak mbak kui aku berusaha fokus meneh karo permainane Leno (pemain remaja putra saka SM), terus kaya ana swara utur uturan “cek dompet”. Aku yo meluni kalimat kui, ngeraba raba sak celana lan pas diraba... ALAMAK! Dompetku langka.

Awale aku ora panik, biasa wae. Lan nyoba nggolet ing tas adekku. Pas digolet jebul rak ketemu. Aku langsung panik. Huh kalem, woles.. aku nyoba nggolet ing ngisor kursi mbokan tiba, tapi nihil. Aku tambah panik. Huh kalem, woles.. Lan nyoba takon marang wong ing sebelahku mbokan weruh dompet tiba, tapi yo ora weruh. Yawislah aku pasrah mesti wis dijukut karo bocah lanang lanang sing berubah dadi mbak mbak mau.

Aku dadi ora konsen marang pertandingan terakhir, aku sibuk nyekel hape. Ora nggo ngabari pacar, tapi nggo nggawe status nek dompetku ilang. Mbarigen aku ora nduwe pacar dadi yo ora mungkinlah.

Sing aku sengit, status serius ditanggepi guyon. “Ning atiku Ek, keh jukut :3” aku spontan ngelus dada lan mbuang napas. Wislah bener bener pasrah. Mending nonton cemesane Leno, aku melu melu nggembor cempreng nggo nglalikake kejadian mau. Aku sempet nduwe pikiran “nggo apa ngurusi barang ilang, tuku dompet, di isi duit maning, kok repot” seceplos kui.

Tekan ngomah aku esih biasa wae, malah nonton film kading film romantis nganti film horror. Pokoke kaya ora ana kejadian apa apa. Esuke aku nembe sadar, nembe kelingan. Kepriye carane ngurus surat cilik ing njero dompetku, udu surat cinta -_-. Hal pertama sing tak pikirke, KTP. Kui KTP pertama, walaupun fotone elek lan langka sing nandingi, kui bukti nek aku wis 17 taun, udu bocah cilik meneh. Lan nembe kepikiran nek surat tahanan kartu perpusda ilang, tanpa surat kui kartuku ora bisa balik. Lagi sibuk-sibuke nyilih buku kanggo revisi kartul. Lan nek nyilih ora mung seminggu.

Akhire dina keloro dompet ilang aku dadi kepikiran terus, nglakukke apa malah ora fokus. Aku nyoba mbuka fesbuk, jebule ana wong sing komentar nek kae nemu dompetku. Awale aku ngarep nek kae lanang bagus kaya ing film FTV, minimal se-Stefan William, bar ketemuan kita mlaku-mlaku, terus baline langsung jadian. Eh jebule ora, aku kecewa. Tapi yo rak papa sing penting surat surat ing dompet bali maring tanganku meneh.

Sakwise ketemuan ing ngarep Patih Sampun, aku langsung seneng lan merenung. Merenung nek makna kelangan barang kui pada wae, akhire nggawe nyesel. Aku nyesel ndeken dompet asal-asalan. Awale dompet, tapi nek dipikir kelangan dompet karo kelangan wong sing ditresnani kasusse yo pada.

Kelangan wong kang ditresnani, efek awal mesti biasa wae kaya langka kejadian apa apa. Mesti esih bisa guyon, mesem mesem dhewe. Nek wis mlebu tahap selanjutte, wis krasa ana sing ilang. Awal sing bisa kita lekoni yo kudhu ikhlas. Mung ikhlas lan ngarep kae bakal bali. Nah, nek sesuatu sing wis ilang terus kita dipertemukke meneh kui artine kita kudhu njaga supaya ora ilang ping loro.

Muga muga tragedi kelangan dompet bisa nggawe aku luwih ati-ati. Ati-ati ngejaga sesuatu sing bener bener berarti. Ora mung dompet, supaya langka meneh kata kelangan lan ujung-ujunge nggawe ati nyesel.

J K L J K L